أخيرة

يا اصحابنا فاللين نلقاكم بلين
حنا لنا الله.. بالظروف.. العسيره
الوضع ماهو زين بس الصبر زين
بكره الرضى يجبر.. خواطر كسيره
أول أدقق.. بالتفاصيل.. والحين
ماعاد أطالع فالامور.. الصغيره
يكفيني اني لا قريت.. العناوين
من أول الموضوع أدري بـ أخيره
ويا قلبي الغادي غدينا على وين
من استهامه.. لاستثاره.. لحيره
الدرب.. هذا ما يودي.. لعبدين
بعد البطا والبين وش هو مصيره
من عضة الاصبع إلى دمعة العين
ما للكبير.. إلا الجروح.. الكبيره
حنا ذكرنا.. لكن الناس.. ناسين
يالله عسى نسيانهم فيه.. خيره
ليلة تعلم ما جهلته.. من.. سنين
تزين من بعد “الظروف العسيره”

لست مي