وآ عيني
عبدالرحمن راشد
وآ عيني اللي كن جواتها رمل
والدم، كنه سايلٍ ببردتها
اجفونها يبّاس ودموعها همل
والشوف عندي قاصرٍ من جهتها
لاني بملطوم عليها ولا ثمل
نمت وصحيت بعلتن صايبتها
تقول دابٍ في محاجيرها نمل
والشوك كنه نابتٍ من تحتها
الله يشافيها وانا في رجاه امل
يامر على دكتورها بأدويتها
عينِ من أول يوم فيها النظر كمل
لين احتضان البلوه اللي بلتها
لا تابعت غرّه ولا فرقت شمل
ولا حدت عن صورةً شاهدتها
حملتها على نظام اختها حمل
اللي عليها.. حوّلت بعبرتها
اقرأ أكثر عن:
شعر وقصيد