الحسافة

صاحبي والدروب الأوله والاخيره
قصّرتها الظنون وطوّلتها المسافه
تركض فبالي المشغول سجة وحيره
مثل ما تركض بعين اليتيم الحسافه
لو تحاول تفلّ الصدر في كل ديره
العمر يسحب أكثر ذكرياته خلافه
واندفاع الفقير.. وكبرياء الأميره
خلتّ النخلة أطول من رقبة الزرافه
وش ضياع المبادي وانغلاق البصيره
عند من ينحر الواقع بسيف الخرافه
دافنّ من ورى صدره جنازة ضميره
واحدً تعبث بطينه يدين السخافه
لا تشوف الكبيرة بالعيون الصغيرة
كل حاجة بسيطة في طرفها كلافه
شيء تحتاج تبحث عنه في شيء غيره
وشيء تشعر بأمانك فيه مهما تخافه

عبدالرحمن السمين