أحبك

أحبك كلمةٍ ضاعت من شفاهي قبل ما القاك
ويوم اني لقيتك صار ما بشفاهي إلا هي
وإذا ما قلت لك في يوم أحبك واعشقك واهواك
احس اني جحود لخالقي في نعمة شفاهي
واحبك جنبي هنيا واحبك لو تروح هناك
واحبك سيّدي ومقيّدي والآمر الناهي
أبيك تقول أبي هذا واقول ابشر بهذا جاك
إذا ما كان هذا عز نفسي فالطلب راهي
وابيك تقول لي كل الكلام إلا كلام أنساك
لأنه حلم يا هو مستحيل وكلمٍ يا هي..
.. مثل برد الفراق لدافيٍ في قربك ولاماك
مثل خوف الظلام لوامنٍ في نورك الباهي
تبي تعرف حبيبي ليه ما مرّت علي ذكراك؟
لأني ما نسيت أصلا عشان أذكرك يا لاهي!