وش بيضرّك؟

كنتي في قربي سعيده
يا عسى بُعدي
يسرّك!
لو وسّعْتي مدانا
للي يكفي
لجناح قصيده
وش بيضرّك؟!
لو بعّدتي القريب
من صور ..
فجأة تجرّك
لـ: مرايا مهشمه
كل ما في ذاكرتها
بجمره بعيونك
يمرّك
وش بيضرّك؟!
لو ..
حرّكَت نسمة جنون
غصن بيقينك
له كم عقل
بشكّ شوكك
ما تحرّك!
وش بيضرّك؟!
لو عطيتي الموج.. ساحل
والسّفر
فضة خلاخل
ومن هوا بحر ك
تعاويذ
مكتوبه من سِفْر
مرجانك
ودرّك
وقلتي: سافر
يا السّفر
موطنك أدري في
صدري
وشاطي عيوني
مقرّك
وش بيضرّك؟!

مسفر الدوسري