مرحبا

مرحبا يا اغلى من العز في عين الذليل
نورت دنياي في جيتك ... يا شمسها
كنت أحسب الحظ دايم على مثلي بخيل
من كثر حاجات ابيها ولا أقدر لمسها
جابك الله وسط قلبّ يدور له دليل
عاش في مر الليالي وضاع بـ دمسها
شاعرٍ ما يملك من الحياة إلا القليل
واسمٍ يجلّه عن أهل العلوم وهمسها
وانتِ اسمك يعتق ارقاب ويزبن دخيل
فيه كتّاب التواريخ ... تلقى نفسها
يطري اسمك لا طرا المجد والسيف الصقيل
والكرم واطيب خيول الرجال وعيسها
وقلبك بطهره يشابه صباحٍ بعد ليل
ليلةٍ للحين ما نيب ناسي عمسها
جيتي اخذيني من الهم للظل الظليل
ولا خلي كل الأيام تشبه أمسها