كلك ذوق

على دربهم تذرف مدامع وينبت شوق
ومع كل خطوة.. الله أكبر.. وتسبيحه
ماسمّو علي من بطش جرح وقساوة عوق
وأنا من رهن عمره على شان تلويحه
تخيرني الأيام وأقول كلك ذوق
وإلى قصرت ما قصّر الوقت تجريحه
لك العافيه يا للي ما فوق التراب وفوق
عروش الغلا غيرك.. من السقم والطيحه
لا يسرق فرح وجهك ألم جسمك المخلوق
محبه ومن نفحة رضا الله.. ومن ريحه
تقوّ وتصبّر وانت وضعك ماهو بـ يلوق
عليه الحزن لو أن له فالسماء ضيحه
وانت اللي تعرف البيد والمرقب الشاهوق
مساري قدم رجلك وجرّة مساريحه
أي والله حزين وكيف ابسلا وكيف اروق
وأنا من فقد فالليل الاظلم مصابيحه
لاضاع الكلام وضاع صوت الغلا المخنوق
عسى مايضيع الصبر وافقد مفاتيحه