الوقت

مضغوط نفسياً وأعاني من الكبت
من يرغب الطاله .. يعاف المشاريه
طاح الحيا وان بارك الله .. حيا النبت
مير البلا موت الحيا ويش يحييه
الوقت غيّر فالنشامى .. وواكبت
متغيراته .. بابشروا بي ولبيه
عزالله أسرفت وتماديت وأسهبت
وسويت شي ما توقعت اسويه
صلبت ساق وسقت رجل وحفا سبت
وبديت مبدا قبلي أبوي باديه
معدي المرقاب .. يا ساهج الخبت
لو اتعدي لـ الموت ما انت متعديه
لكن عليك الهون يا ليلة السبت
أنا أكبر بواجد من اللي هقيتيه