مشغل الألباب
فهد ظافر الشهري
ماني معاتبك ماهو بوقت عتاب
وانت شايف كفوف الود توميلك
هيييه ياحلمي اللي مشغل الألباب
والله إني بعين الطامح أخيلك
أنتشيلك سحابه يا أجمل الغياب
وارتوي من فراتك وأرتوي نيلك
كل مامرني طاريك في المحراب
أرفع ايدي لرب البيت وادعيلك
يا أقرب من الورق والحبر للكتاب
وألطف من النسيم اللي فهق ليلك
ليلك اللي ماعمره فيه شيء غاب
القمر مكتمل والجدي وسهيلك
حامل في طريقي للقى مشهاب
وأستبق خطوتي لجل ألحق بجيلك
أدري أن دون حدّك عصبةٍ وأحزاب
تتقي في ذراك وتنتقص كيلك
كان من دون وصلك للصعاب صعاب
مرحبا بالصعاب اللي توديلك
اقرأ أكثر عن:
شعر وقصيد