نص
خاص ريمه
آبعّد الهقوات وآبعّد الشوح
وأستاهل أخذ شداد ريمه وريمه
شاعر يقدم نفسه منذ عقد زمني بشكل متصاعد حتى أصبح من الأسماء البارزة واللافتة في ساحة الشعر.. عبد الله بن مرهب خص “الرياضية” بهذا النص الجديد..
أبطيت أخيل المزن والبارق يلوح
وأقول هانت يقفي السيل ديمه
يا فوح صدري من مقاديرنا فوح
ياللّي عليك أشواق صدري امقيمه
إحساس قلبي يوم أودّعك وآروح
أقسى من إحساس الغبن بالهزيمه
الصدر لك مفتوح والقلب مفتوح
ينزف لك إحساس الغلا من صميمه
مير إن حداني عنك عارض وساموح
خل العوض بالذكريات القديمه
وإحفظ قصيدي دامني منك مذبوح
وإذبح على صدر الموادع تميمه
واكتب على قبري رحل كلّه جروح
ولاتقول: إن النهاية وخيمه
أموت وأنا أغليك مع نزعة الروح
ولا تكون لحضن غيري غنيمه
أنت النصيب اللّي كتب لي على اللوح
خذني من يدين القهر والظليمه
آبعّد الهقوات وآبعّد الشوح
وأستاهل أخذ شداد ريمه وريمه