قصيدة
وتر يا رقيق المشاعر
يا رقيق المشاعر وين راح الحنان
ليه ما شلت قلب طاح قدام عينك
الزمن هو زمانك والمكان المكان
وآخر الشعر كلمة تسألك عنك وينك
من تقهويت صوتك سولف الزعفران
عاد وشلون فنجالن تمده يمينك
تذكر شلون كنا والغلا كيف كان
يوم لا غبت عنك ماا سمع إلا ونينك
أشعر بخوف مدري كنت أحس بأمـان
يكفي إن جيت يمك طار فيني حنينك
وشكثر كنت وافي وأقرب الناس خـان
بس أثق فيك حتى لو عيوني تدينــك
طول عمري وأنا لاوي أذراع الهوان
شفت يومك بعيني منهو يقدر يهينك
مذكر إني نسيتك وأذكرك من زمان
وأذكر إني ضحية بين قلبي وبينـك
تدري وش جابني لك لا تقول الحنان
جيت بشيل قلبن طاح قدام عينــك
شعر: عطا الله فرحان
الحان وغناء: طلال سلامه
اقرأ أكثر عن:
شعر وقصيد