نص خاص

صوتك صوت

الغلا ثلثه معاتب.. وثلثينه شقى
وأنا مشكلتي مع الحب جبت اللي وراي
محمد مريبد العازمي، الشاعر الكبير، يمنح الشعر روحًا جديدة، والإحساس شعورًا آخر من خلال هذا النص الذي خص به “الرياضية”..

ما كتبت الا لطاريك ياوضح النقى
أنت تستاهل قصيدي وتستاهل غلاي
رغم ساعات الموادع وساعات اللقى
باقيٍ لك يا أول الحب قطعة من حشاي
أدري أن الحب يخلف هقاوي من هقى
مثل ما تخلف ظروف الزمن بعد أصدقاي
فدوتك ما راح واحسب حساب اللي بقى
دام الأرض أرضي وباقي سحابك في سماي
الغلا ثلثه معاتب.. وثلثينه شقى
وأنا مشكلتي مع الحب جبت اللي وراي
لين وردني على بير ما فيها سقى
وأنا ما كل المواريد تقطع لي ظماي
صدتك من غير سبه عن الوصل محقى
وأنت وصلك رش غرا وصوتك صوت ناي
كل ما رحب بي الشوق قلت له البقى
والقصيد العذب عيا يكفر لي خطاي
والطموح اللي على سلم الهقوه رقى
أحسب إنه يبري الجرح ويخفف عناي
والله أن الحب ماله من الناس عتقى
كل ما سجيت فترة يعود لي بلاي