نص خاص

راح العمر

ما تضحك الدنيا قبل تضحك شفاك
لو شفت في وجه الحزن ما يريبك

صلاح العرجاني، البساطة والجزالة وعمق المعنى الشاعري.. جاء بهذا النص الجديد الذي خص به “الرياضية”..
ما زلت أفكر فيك ما أفكر انساك
الحظ لو ما جاد بك ما يعيبك
وأهيم فيك بصدق وأهيم ويّاك
حسبك تمر البال.. والله حسيبك
سمّوك ربّ الحسن تزهى ويزهاك
والحسن نفسه يفخر إنه ربيبك
الصبح.. يحلم فيك وينادي خطاك
والليل.. يتمنّى يسمّى حبيبك
عاد أنت لا تبخل بطلّة محيّاك
ما أجملك في مشرقك وبمغيبك
ما تضحك الدنيا قبل تضحك شفاك
لو شفت في وجه الحزن ما يريبك
كم هبّت النسمة على طاري رضاك
وعمّ الفرح بالكون من نفح طيبك
راح العمر وأنا ما غير أتحرّاك
عذري بقلبي وأنت عذرك نصيبك
تستاهل اللي راح لو هو بليّاك
وتستاهل اللي جاي لو ما يجيبك