نص
خاص حبيبي وأعرفه
أميرة الحمدان
خذاني غرام اللي فعوله وطيبه غير
مثل ما خذاني فيه شعري على الساحه
أحب اتغزل فيه بالـحس والتفـكير
ولا أرتاح لين اكتب له البيت بالراحه
على صوته الحساس.. الأحزان والتأثير
على قلبي اللي ضاع قفله ومفتاحه
معه فالغرام “لساني” يخونه التعبير
عساني فدى خاتم يمينه ومسباحه
أحب الحقوق الكاملة منه والتقصير
وأحبـه مقابل ما يحقق من أرباحه
لو يغيب عني ما أقبل بغيره التغيير
هو أفراحي الحلوة مثل ماني أفراحه
حبيبي وأعرفه لو تملّك جناح الطير
يبي يشغل الشباك فالصبح بجناحه
اقرأ أكثر عن:
شعر وقصيد