نص جديد

جيتك غلا

ما كل ردة فعل تستاهل الرد
واللي يبيعك ابتعد عن مسيره
وأليا بغيت القول والصدق والجد
ما كل بنتٍ يالسنافي “أميرة”
أصون سر الحب ما بيّح السد
وأليا عطيت القول ما قول غيره
جيتك غلا في وقفتي وقفة الند
وحلفت لك إني الفشق والذخيرة
وإني على يمناك ما خون بالوعد
وإني معك في شر وقتك وخيره
وجازيتني يا طيب الراس بالصد
صديت عني جعل فالأمر خيرة
تركتني للهجر والحزن والبعد
طفلٍ يتيم ولا يعرف اشمصيره
يحسب الأيام والوقت ويعد
يبي وصالك ما يبي شي غيره