نص جديد

كسرات الأيام

كسرات الأيام كود الله يجبرها
عيبٍ على اللي يحط الوقت شماعه
من عام الأول أداريها واصبرها
الروح تلهف بها والنفس طماعه
واليوم جتني نوادرها واكابرها
شرق الحنايا نشآ غيمه ومطلاعه
يسري على برقها من كان خابرها
لو كان مسراه يشبه عقرب الساعه
شلالها لا تحدر من محابرها
ليه الورق ما يفدق زهرة أوجاعه
والدمعه اللي تغني في منابرها
ما بحها غير قلبٍ يبخن أوضاعه
وإن عيت اجنودها وصكت معابرها
حلو الفرايد تصد السمع والطاعه
في مدهم الليل اقدم نجم واكبرها
نفس المشقا على شوفته منصاعه
اسرجت له من كريم الخيل واجبرها
في لب نحره تقول معارك اسباعه
تسر مكنونها والبحر حبرها
والريح نامت على دفته وشراعه
ما ينحت إلا من الدانه أكابرها
مثل الذي ناحت البتراء على أذراعه
لو يسمع السوق هاب السوق نابرها
لو سومها في عزيز المال ما باعه
تمرني بالفرح والله يدبرها
ياعل جوف الجفاف يزن مرباعه