الشعر

اتركيني مع عبراتي ونامي
بأحرس الشوق وأتأمّل تفاصيله
لين ما تشبع أوراقي من أقلامي
الشعر حيلة اللي ما معه حيلة
دام جاك النصيب وهدّم أوهامي
إلبسي كل بسماتك وروحي له
ومثل ما كنتي تغنّين قدامي
ارفعي صوتك الدافي وغني له
اتركيني بأحثّ لبكرة أقدامي
الحزن صعب وأصعب منه تأجيله
صح كنتي لي بفكري وبأحلامي
بست بالواقع المفروض كنتي له
عُمر وأنا أتحرّي جيّة أيّامي
لكن اليوم هذا لازم أجي له
قبل نور النهار يصحّي آلامي
بأتعوّد على غيابك من الليلة