الأخيره

شاعرتك تقصر البحر وتمدّه
يا من أهداها الشموخ بحذافيره
مير من مده تشوف أن لها مده
والقصيده الأوله .. كنها الأخيره
كيف بأطربك بـقصيدي وأنا أعده
مثل ماتطرب لـطيبك جماهيره
وأنت حديته .. ووقف على حده
في مكانٍ بين الإبداع والحيره
كل يوم أحذف من المدح مسوده
لا رجعت أعيدها يا الله الخيره
ودي أن أمدحك والمدح ماوده
خايفٍ تقصاه ويبين تقصيره
عادك أنت اللي عن أبوه عن جده
وارثٍ الوجه .. والفعل .. والسيره
قرمٍ يُصب السمن من على يَده
من سخاه وطيب راسه وتقديره
ما خذا قلبي وهو وده يرده
داري آن مأحدِ بيستاهله غيره