كلنا محمد
الليال القاسية منها مضرّات ومسرّه
والشدايد ماتزيدك غير تمكين وذهانه
مايجيك الموج من عمق الخليج الا بدره
والجبل تظهر براكينه غثاه وكهرمانه
كم عدوً بيّنت غيب الليال السود سرَّه
وكم صديقً زادته هوج الكرب قدر ومكانه
الحروب عن الكرامه والمبادي مستمره
تضحيات وحزم وعزوم ومناويخ ورصانه
لاتقول الكربه اللي تكشف المستور مره
قل يدين الغدر ماتشبع من طعون الخيانه
واللدود اللي لبس ثوب الصديق انزاح شره
بانت اذناب الملالي واستقرّت بالإدانه
والقلوب اللي كساها من بياض المزن غرّه
بعضها من قسوة الأصحاب مغلق للصيانه
النضال اسما المبادي والسلام بدون جرّه
والوطن عند العقول اللي تعرف الحق أمانه
والنفوس الغاليات من القيود تعيش حرّه
يوم ترخص للوطن تزداد تقدير وحصانه
مايجيك الموت في جملة حياتك غير مرّه
لاتغبط اللي يهاب الموت ويعيش الإهانه
أغبط اللي كل مانادا الوطن لبّو مبرّه
كل مايبرق خيال الموت جوله في مكانه
تحت راية قايد مجده على بحره وبرّه
لين صرنا "كلنا محمد" على القمه وزانه
أقبل المستقبل اللي عالم الأحلام فرّه
لين صار الحلم بالتطوير يثمر في زمانه
مبتغاه ورؤيته كنّه يحركها ب أزرّه
كل يوم يحقق احلام وطموحات بكيانه
كل درب يرقب العليا على دربه يمره
تثمر اوراقه على اغصانه وينبت زعفرانه
يوم بان معزّي الثاني على حد المجرّه
من يقول معزّي الاول ترجل عن حصانه
عبد المجيد الذيابي