فلوس البخيل
سلطان حامد
الطغى والكبر والزوم و(فلوس البخيل)
مملكه// واللي ملكها عروشه خاويه
والحكيم يعامل الناس بـ إسلوب العميل
والعميل يردّد// أهلا ً هلا بـ الهاويه
يا وجودي وجد من حدّه الشي القليل
لين صارت كل ّ حاجه معه// متساويه
شرهته في كلمة (النعم) والفعل الجميل
والأمل (شعره) وشف عاد ,, راس معاويه
والهواوي يسهر الليل لو ماله حصيل
غير (دمعة عين) وغصون قلبٍ ,, ذاويه
والليالي تسرق اللون من طرف الكحيل
كم وكم من ليل ٍ أسود// ذيابه عاويه
يسري الشاعر وله// تحت ليل وفوق خيل
وأبرك الحزات شاعر وشعر وغاويه
البدايه يقطع الحظّ (راس المستحيل)
والنهايه كنت ناوي// وكانت ناويه
والنهار وحرّة الشوق والصبر الطويل
والهجوس السارحه والهجوس الضاويه
لا تعلت في سماء الفكر ثم ضاع الدليل
تجعل الشاعر يجي لين يمسك زاويه
اقرأ أكثر عن:
شعر وقصيد