وجه النهار
حمود البدراني
يالاميره كفي الليل عن وجه النهار
شوفته تحيي عروق القلوب الميته
فرقيه بيدك عن وجنة فيها حمار
خلي الصبح المصبّح على حريته
وافيقي ليل ٍسدلتيه فوقه بالخمار
لايغير في رسومه وفي ماريته
لين اشوف التوت والثلج واشوف الصغار
الثنين اللي صباحك يجن بفيته
رافيتهن مثل ماينرفي بيض الحرار
ماكر ٍلو انه ايشاف تصعب جيته
من تولع في جمالك يشيّب ماستخار
تلعبين بكبريائه وفي شخصيته
كل ماتذكروصوفك عليه اشتب نار
وقام يفهق في شماغه وفي طاقيته
يدري انك ياعنيده من الروس الكبار
ومن عناد العود وصل العناد بنيته
وتعرفين انه مهايم ولاعنده قرار
الحكي هذا تعرفين وش خلفيته
اقرأ أكثر عن:
شعر وقصيد