الصابرين

كنت أول أطرد هوى بالي وحرزه مكين
بي عنفوان الشباب اللي يطول مداي
أطالع الدرب وإن شفت أوله ياسمين
أسوقها مانشدت اللي مع الدرب جاي
والقى بنصفه سراب و بأخر الدرب طين
وارجع واعيد الخطا من كبرياي وعياي
الين أدبتنا الليالي و أعسفتنا السنين
بديت اسيطر على نفسي واخالف هواي
وان جيت وارد نشدت اللي هنا صادرين
جمعت لي كم راي .. وفوقهن جبت راي
واجنب اللي تبي نفسي ولو هو ثمين
ياما من المغريات اللي تركته وراي
اخاوي الصبر وان الله مع الصابرين
الين اصبح الصبر اخو والصابرين خوياي