ورق شام

عيون الحبايب كل ما تفتح الكام
تعرض القلوب ولا عليها غشاوه
تحاكي بعضها مثل وردي الأحلام
ليا سولفت عن كل شي بـ هداوه
يا عذب اللمى ما فيه داعي للأوهام
لا يلحقك شك وتستبيح القساوه
تتبع طريق اللي خَفَق تحت الاتوام
تراه الطريق اللي عليه الطراوه
وش اللي تغيّر فيك يا ظبي الأريام
طبيعي تشوف من البنات العداوه
تواريخ ميلادك تقدّم بالأرقام
لكن الصور ما زادت إلا صفاوه
تمر السنين أعوام وتمرك أيام
مراحل حياتك تستحق الحفاوه
هذا خد والا ورد والا ورق شام
وهاذي عيون صقور والا فلاوه
ملامحك مثل العام وأحلى من العام
ولانيب فاقد منك غير الشقاوه
لا صار التغلّي والوله مصدر إلهام
أكيد العقول تصير ما من صحاوه
يتلّيك قلبي مثل أبو خمسة أعوام
عطيته وجه والا عطيته حلاوه