الشوق

لا ترتخي نظرات عينك وهي فوق
وانتي شموخ الحب واسمى معانيه
حرام ... جرح القلب والقلب محروق
ودفن المشاعر تحت صلف المشاريه
ما كنّي من الدم واللحم مخلوق
إنسان .. وظروفه تشيّب نواصيه
قِلّة وفق .. وهمومٍ تسوقني سوق
تقول .. والا أقول من غير تشبيه
القلب دونه صدر .. والصدر صندوق
ضاعت مفاتيحه على أقصى خوافيه
يا بنت أنا لو كان لي حق محقوق
واللي عليه الحق ملزوم يدّيه
تردّني الشيمه ويدفعني الذوق
وأقول أنا ما ابيه .. لو انّي ابيه
ما يقنع أسماعي صدى كل منطوق
حتى اني أطرب له .. وأفكّر أجاريه!
هذا مجرّد راي والراي موثوق
وانتي قبل لا اقفّل العلم .. وانهيه
روحي فمان الله .. وان هـزك الشـوق
رشّي دموعك فوق ذكراي .. واسقيه