الحزن

تنفس الشعر في يوم من ايامه
يوم يشدّ اخره .. واثاره مقيمه
فيه الحزين يتفقد ذروة آلامه
وآلامه اثار سيلٍ سابقه ديمه
تستغرب الحزن من شكله وهندامه
ويظهر لك الحزن وجهه من تقاسيمه
صفحة طوتها السنين وجفّت اقلامه
واستسلم لواقع الحزن وترانيمه
ان ذكّره شي بالطارف من احلامه
اللي هدمها ردى حظه وتعليمه
ياهو خذاني من الدنيا فدوّامه
واخذت من كل طقة حزن تعليمه
كنت اتلحف عباة الصبر قدامه
واذكره منهج الدين وتعاليمه
ولا علي الحرام .. ان اكبر الامه
مثل اصغر الامي اللي مالها قيمه