السعودي
الله كبر والشعر يا وطنا فوق.. فوق
والله إنه لا تنزل رفع راسي سما
لين اوايق من على الغيم.. واجنح.. واتوق
في خيالي واسم الرايه اخضراء كما
رسمة معزي لوجه السعودية بذوق
واتساقط غيث يروي العطاشا لا هما
العلم في كف فارس على حره سبوق
نخلته خضراء وسيفينها تقطر دما
لا إله إلا الله اليا ارتوت منها العروق
امتلا قلبك بصيره وشيعت العما
شمس مغربها ليا ودعت شمس الشروق
رددت يا موطني عاش سلمان ونما
المليك اللي على الصيد هداته تشوق
معطي التاريخ سيره وتعظيم اعظما
حكته حطت محمد على فصل الحقوق
كلمته ما ترضي اثنين في الحق اخصما
رؤيته مثل النخل طال وارخته العذوق
لا تساقط يشبع الجوع ويموت الضما
كان ما ارخى روس الاخصام راسه ما يروق
يحرق الطاغين واليا احتمى الحرب احتما
ما برد راسه والأرواح بالغة الحلوق
باريٍ قوسه رمي السهم يوم الله رما
انتم آل سعود فوق السما والله فوق
وأنتم ال أول سهم طير الروس وزما
ماعلى راس السعودي ولا راسٍ يفوق
لاتقولون ارفع الراس واحنا كلما
قام احدنا ناطح الغيم واستاق البروق
حيثما حط السعودي رحاله حيثما
وإن شهقنا راية العز تخفق في الخفوق
وإكن زفرنا نهدي انفاسنا عذب اللما