صوت الشوق

كل ما ناجاك "صوت الشوق" ناجه
بحّ صوته ليه كنك مانت حوله؟
كيف اعبر عن "بلاي" وعن علاجه
وانت تعرفني باحاسيسي "خجوله"
الغلا.. لا يزعلك كثر احتجاجه
كلما زاد الغلا، زادت حموله!
ليه ماهمك شعوري وانزعاجه؟
دام طلت اللي ماحد غيرك يطوله!
الزعل/ لو هو بنا حولي سياجه
والله اني ل ازرع الأعذار حوله!
يا ذرى قلبي عن الوقت وعجاجه
والله إني ماني "البنت الزعوله"
ووالله ان صدري وسيع ولا أواجه
منهجي "نهج التسامح فالطفوله"
انت سلوة خاطري وانت ابتهاجه
وانت كوني كله بعرضه وطوله!
انتمي لك ما انتمي ل ایات حاجه
والله ان كي مواطن وانت دوله!
عيوف