التجارب

التجارب عطتني كل رأي سديد
وصار عندي قناعة واضحة واقتناع
دايم ما تجي الدنيا على ما تريد
لكن أيامك الجايات خذها متاع
من نزاعك مع الفاضين وش تستفيد
فضها سيرة وجنب وفض النزاع
نعرف الناس والعلم القديم الجديد
حي يمني الكريم وحي راس الشجاع
وان جفتك الديار وناسها لا تعيد
انت ما تدري ان فجوج ربي وساع
وانتبه تندفع مع كل ساعي بريد
ما ذبحنا مع العالم سوا الاندفاع
لا تطالع فزاويل العرب من بعيد
خل عندك على بعض الأمور اطلاع
فكر الانسان ما هو عمره اللي يزيد
اكثر كبارنا جمله سنين وضياع
الكبير اللي يفكر بعقلن رشید
وقبل يحسن كلامه يحسن الاستماع
ممكن تشوف في عينك جبل من جليد
لكن المشكله لا احترت الشمس ماع