الحزن

يا قاري الناس فيني ما أنت مرتاح بال
لو إن الافكار تمشي لك على هونها
أنا عـيوني "فناجيلٍ" بليا دلال
الناس من حزنها عجزوا لا يقرونها
فيني من الحزن ما يكسر ظهور الجمال
ما هوب حزن المبادي .. يوم يبدونها
أحب حبٍ موصلني .. حدود الهبال
مع إن شخصيتي في عين مجنونها
أنا حبيبي لحاله .. والأوادم لحال
ومواقفه نص .. خلق الله يعرفـونها
من طيب راسه ينادونه بـ ذيب العيال
وعن اسمه "النعم" ما يفصل تلفونها
بنات خلق الله إن جابوا لذكره مجال
اللي يا ويلاه واللي .. تكحل عيونها
قدم أمه البنت خطافة قلوب الرجال
تبي ليا قال أبي حرمه يخطبونها
أميرة الحمدان