شبيه المطر
مساريك يا قلب العنا والهوا مرتاح
ادعب خفا جرحي عن الود سراقه
اجندله اضلوعي وتيقا عليه ارماح
علي اللي سهومه فالمعاليق علاقه
تعلق بوسط الروح لو راح ما ينزاح
عطاه البقا ربه ... وميزه خلاقه
عن الغير له قصرٍ بقلبي عليه اوشاح
تسلم مفاتيحه وغلق علي اغلاقه
سرقني غرامه سرقت الموت للأرواح
بليا جروح ولا تناهيت حراقه
شبيه المطر لا خيلتله مزون وطاح
تزين المرابع مع مساريه براقه
اناكل ما فيني من الضيق توه راح
تهيج البيوت ويكثر الحرف بوراقه
انا لا طرالي وقت فرقاه انوح انياح
اقاوم شعور الخوف في لحظة افراقه
انا تل روحي تل من حملوه اسلاح
مع اقصا الحدود وناوي الحرب سواقه
غريق المحبه ما له علاج. يالسباح
يغوص البحر في ظلمة الليل خناقه
فاطمة المعتاد
اقرأ أكثر عن:
شعر وقصيد