ياكبر غلطتك

قبل تسألني عن أحوالي و تنشد مني
أنت علمني وش اللي حاصلٍ فـ أحوالك
جيت مثل اللي مخالف في بعاده ظني
يوم ردي كان (شاللي منّ لي بوصالك)
جيتني مشتاق ما تقدر تفارق عني؟!
و إلا حنّ لصوتي الفارق رقم جوالك؟!

عادك اللي في غيابي بالغفى متهني
و إلا جفنك ما غمض طرفه وأنا في بالك!
جيتني ولهان قلبك مشتحن توصلني
و إلا جور الشوق في صدرك سبب غربالك
عادك اللي حبني جداً قبل يعرفني
وعاد وضعي اللي تخبره يستحق جدالك
وعادك اللي حاول بقلبي ولا ذوّبني
أو تقدام الزمن خلّى ظلامه حالك
عطري اللي كنت أحطه قبل ما تقابلني
بحت منّه مثل ما نحري قطع سلسالك
أنت تحسب في المحبة إنك بتضْمنّي
يا كبر غلطتك يا أغلى من رخص منزالك
اتصالك فز له قلبي ولكن إني
يا حبيبي ما أظن أحن لك واشفى لك