ياحزينة

يا حزينة كل الأفراح قيد الانتظار
لين تبتسمين وتطيب أحاديث السمر
ما يليق بخدك الغض دمع الانكسار
دمعك أول دمع يمشي على سطح القمر
آمري وأخطي عليّ.. وعليّ الاعتذار
أنتِ عينك حرف عطف وجمالك فعل أمر
من توغّلتي بصدري ولفيتي يسار
وأنا معتبرك دخلتي على بيت العمر
وقّفي فالقلب مثل الأصيل مْن المهار
وأمشي مْع الدم مثل الكُريّات الحمر
جل من سواك فتنة وصاغك من فخار
وحط فيك الليل والصبح والما والجمر
وكن أبو شيبة يغازل ورا ذاك الزرار
“اللي ايسار الممر واللي ايمين الممر”
وكن ابن جدلان يشّر على شفاةٍ صغار
“ليتنا مثل النخل ما يجيب إلا تمر”
ألهميني أنا شاعر يخاف الاندثار
يجتهد فالعمر كله لما بعد العمر
لو ما أخذت من القصايد والأبيات الكبار
غير صح الله لسانك.. ومبدع.. واستمر