حمامة سلام

مهرة ما عليها سرج، ولا لجام
تفوق الريح بالمركاض، وتطوفها
جاتني ليلة البارح، وكان الغمام
مثل قطعان ذوي قامت ثحوفها
هلت إلا على قلب طواه الحيام
وارتوى صدري الممحل من قنوفها
ترمي الشمس رمح يشق ستر الظلام
الارمت شالها الأسود على كتوفها
واتنقى بحرص ألطف، وارق الكلام
كنها تنتقي ل الحفل نفنوفها
ماتلقي ل هرج المبغضين اهتمام
واتغاضى عن الزلة.. لو تشوفها
جنبها الوقت يطوي مثل طي الخيام
فوق من تقطع الأميال بخفوفها
روحت، وحرمت عيني لذيذ المنام
شين تلويحة الفرقا من كفوفها
وطار يبرالها قلبي حمامة سلام
قج حدب الضلوع، ووقع بجوفها