مجد العروبة
أبرق على ضي ازدهار المملكة / المعنوي
و اليا ترفرف طرفك الأخضر تمايل بالعدال
يا باهي الألوان، يا رمز العدالة المستوي
حنا لك عماد وشهادة حق ونخيل وظلال
مجد العروبة في شعارك معتدل ما ينغوي
وشلون وأنت اللي تعزوى بك كريمين السبال
مجدك مهوب المجد ذاك اللي مصيره ينطوي
يا بيرق التوحيد وأمجادك على القمّة مثال
أنت الوحيد اللي ابى التنكيس فالظرف القوي
ويهابك اللي ماعرف للعزّ مدهال ومجال
ومظلّلٍ روسٍ لوت خشم الصعيبة بك لوي
من رفعة السيفين والنخلة إلى لفظ الجلال
سارعت للعليا إلى ان صرت تضويها ضوي
والعزّ يتبع رايتك وإن ملت ما والله مال
لنك الثبات اللي عليه الكون معدول وسوي
تسعة وثمانين الفخر في موطني ما له زوال
عدو داري من شموخك بات قلبه منكوي
وعاد العهد يا موطني مصيون بأرقاب الرجال
تحت قيادة سيدي رمز السيادة النخبوي
سلمان بن عبد العزيز الحرّ / لله الكمال