وهم وتوجد

الليل هم وتوجّـد والمشاعر زحام
والروح ما تالف إلا من يعزونها
عاتبت نفسي “تعب” وأكثرت فيها الملام
جاهدتها والنوايا السود فشجونها
حكمت باللي تردّد في عقول الأنام
ولحقت بعض الثواني قبل يمحونها
ما فاح من خافقي إلا انفعال الضرام
وما غاض من مهجتي إلا بقانونها
ليت الليالي تحزّم بالرضا والتمام
تزهم على الذات والعشاق يوحونها
وليت المحاجر تهل الدمع للمستهام
تقضي أربها ولا تبخل من عيونها
شعمت نار القصايد في عروق الغمام
وغيّرت لوني على ما كان من لونها
تنبأت بالبشاير ساجعات الحمام
أقفت.. وكن البشاير تاهت لحونها
يوم الزمن كب حمله.. والزمان انهزام
عذرت كثر الحمول وزادت غبونها
عسى المحاني توقّـي القلب فالاحتدام
الشجـرة اللي تظلل ماتت غصونها
يموت حالي بعد ما يضمحلّ الكلام
تحطمت قصة الفارس ومضمونها

نفود الصمت