نص
خاص يدين الليل
نواف التركي
وأرحل قبل ما شعاع الفجر يتسرب
من بين أصابع يدين الليل بطيوفه
شاعر يكتب بحرفنة لافتة، يقدم شعرًا مختلفًا، يمنح التميز وجهًا آخر.. نواف التركي خص “الرياضية” بهذا النص الجديد
أنا من الصبح عن هالطاري أتهرب
وأصد ما كني أشوفه وأنا أشوفه
لكن تداني العتيم ومبعدي قرب
والقلب هذا أجودي يكرم ضيوفه
يامن بروحي تشرق غصب وتغرب
يدين الأحلام خلف الظهر مكتوفه
صوتي قديم ماعاد إن هيجن يطرب
والعيس عافت حداي وملت حروفه
متغيشم كني اللي مابعد جرب
وحشة طريق الغياب وحزنه وخوفه
ياسيد الليل خل البال يتشرب
ملامحك لين تملى ضحكتك جوفه
وأرحل قبل ما شعاع الفجر يتسرب
من بين أصابع يدين الليل بطيوفه
لا تنكشف وأنت خيرة قوم ومعرب
الناس ماهي بحزن الناس مكلوفه
اقرأ أكثر عن:
شعر وقصيد